ფიზიკური თვისებები

თიხის ფერს გამოწვამდე განსაზღვრავს მასში შემავალი ორგანული და არაორგანული მინარევების დიდი რაოდენობა. იგი შეიძლება იყოს: თეთრი, რუხი, მოყვითალო, წითელი, ყავისფერი და ა. შ.
გამოწვის პროცესში ორგანული მინარევები იწვება და თიხა ღებულობს მოყავისფრო – მოწითალო ფერს. ამ ფერს აძლევს მასში შემავალი რკინის ჟანგი.
თიხისაგან დამზადებული ნაწარმი შრობისა და გამოწვისას
ზომაში კლებულობს, რასაც ჩ ა ჯ დ ო მ ა ს უწოდებენ.
ეს გამოწვეულია შრობისა და გამოწვის დროს ნაკეთობაში შემავალი
წყლის აორთქლებით. ამ დროს მანძილი თიხის ნაწილაკებს შორის,
სადაც წყალი იყო და მაქსიმუმამდე აორთქლდა, მცირდება, რის გამოც ნაწილაკები ერთმანეთს უახლოვდებიან, მიებჯინებიან და შემჭიდროვდებიან.

ტექნოლოგიური თვისებები

ტექნოლოგიური თვალსაზრისით ბუნებაში ვხდებით ზ ე დ მ ე ტ ა დ პ ლ ა ს ტ ი უ რ ( მსუქან ) და ნ ა კ ლ ე ბ ა დ პ ლ ა ს ტ ი უ რ ( მჭლე ) თიხას.
ძალიან მსუქანი თიხისაგან დამზადებული ნაწარმი არათანაბრად შრება. ზედაპირის გაშრობის შემდეგ შიგნით ისევ სველია.
გარეთა ზედაპირზე ჩნდება ბზარები, რაც გამოწვის შემდეგ უფრო შესამჩნევი ხდება. გარდა ამისა, ნაწარმი განიცდის დეფორმაციას და ჩაჯდომის კოეფიციენტიც დიდი აქვს. ამიტომ სასურველი სამუშაო ცომის მისაღებად საჭიროა თიხის განსაზღვრულ დონემდე გამჭლევება.
კერამიკული ნაწარმის გასაკეთებლად ძირითადათ მზადდება
ს ა მ ი სახის მასა:

1. თიხის ხსნარი – შლიკერი
2. ცომისებური მასა – ჩარხზე ამოსაყვანად ( დიდი ზომის ფორმის ამოსაშენებლად, საძერწად და ა.შ. )
3. ფხვიერი მასა – პროდუქციის დასამზადებლად წნევის საშუალებით.